واضح رہے کہ آجکل ہیجڑوں یعنی خواجہ سراؤں کی بنیادی طور پر دوقسمیں ہیں۔(1)مخنث(2)خنثیٰ مخنث تو دراصل مرد ہوتے ہیں لیکن حلیہ عورتوں جیسابنا رکھا ہوتا ہے لہذاان پر تو مردوںوالے احکام لاگو ہوں گے۔ البتہ جو خنثٰی ہیں انکی بھی بنیادی طورپردوقسمیں ہیں۔کیونکہ خنثٰی میں کبھی تو مردوں اورعورتوں کودونوں علامات پائی جاتی ہیں لیکن انمیں ایک فعال یاغالب ہوتی ہیں پس جوعلا ما ت فعال یا غالب ہوں توخنثیٰ کواس کی جنس مان کراحکام لاگوکیےجائیں گے۔اوراگردونوں علامتیں فعال ہوں اور کوئی ایک بھی غالب نہ ہوں تو ایسے خنثٰی کو ’’خنثٰی مشکل ‘‘کہا جاتا ہے ۔ پس ایسے خنثٰی مشکل (ہیجڑے)کاجسم عورتوں سے مشابہت رکھتاہے تو بہتر یہی ہےکہ وہ عورتوں کی طرح احرام میں سیلے ہوئے کپڑے پہنے کیونکہ اس میں احرام کی بنسبت زیادہ ستر ہوگا۔