ایمان کسبی ہے یا وہبی

واضح رہے کہ لغت میں ایمان کے معنی تصدیق اور تسلیم کے ہیں۔اور شریعت کی اصطلاح میں ایمان کہا جاتا ہے کہ’’ وہتمامچیزیں جو نبی کریمﷺاللہ کی طرف سے لے کر آئے ہیں ، جو قطعیت کے ساتھ نبی کریمﷺسے ثابت ہیں ، ان کی دل سے تصدیق کرنااور زبان سےاس کا اقرار کرنا،یہ ایمان کہلاتا ہے۔ایمان ایک اعتبار سےوہبی بھی ہے،اور کسبی بھی ہے۔بندے کی طرف نسبت کرتے ہوئے ایمان کسبی ہے،اور اللہ  تعالیٰ کا  بندے کو ایمان کے   توفیق   سے نوازنا اس اعتبار سے ایمان وہبی ہے ،اگر بندہ میں ایمان کی  طلب ہو ،رجوع ہو،انابت ہو،تو وہ ھدایت کےراستوں کو اختیار کرنے کی کوشش کرتا ہے،یہی مطلب ہے ایمان کے کسبی ہونے کا۔اور اسی کسب کو ترک کرنے کی وجہ سے کافروں کو عذاب دیا جائے گا۔ البتہ جب بندہ کوشش کرتا ہے, تو اللہ تعالٰی اس کی کوشش کو قبول کرتے ہوئے ایمان لانے اور ایمان پر رہنے کی توفیق عطا فرماتے ہیں،اسی معنی میں ایمان کووھبی کہا جاتا ہے،کہ یہ اللہ تعالٰی کی توفیق وعطا سے ہے