واضح رہے جس طر ح عام چوری کرنا گناہ کبیرہ اور حرام ہے اسی طرح بجلی چوری کرنا یا بغیر میٹر کے غیر قانونی بجلی استعمال کرنا بھی شرعاً جائز نہیں بلکہ حرام اور گناہِ کبیرہ ہے جس سے بہر صورت احتراز لازم ہے۔
تاہم چوری کی بجلی سے حاصل شدہ پانی نجس نہیں ،اس لیے اس سے وضو اور غسل کرکے نماز اور دیگر عبادات ا دا ہوجاتی ہیں ۔ البتہ ثواب میں کمی آتی ہے ۔ تا ہم باقی کواٹرز والوں کو چاہیے کہ وہ اپنے اس شریک کو سمجھا ئیں کہ چوری کی بجلی استعمال کرنا گناہ ہے ۔ پھر بھی اگر وہ با ز نہیں آتا تو خود کو اس سے علیحدہ کرلیں ۔