واضح رہے کہ شریعت میں استخلاف(نائب اورجانشین بنانا)اس کو کہتے ہیں کہ نمازکے دوران امام کوکوئی وضوتوڑنے والی صورت پیش آجائے یاوہ قراءت کرنے پرقادرنہ رہے ،تووہ اپنی جگہ کسی اورکوجانشین مقررکرلے تاکہ وہ نمازکوآخرتک مکمل لے؛البتہ ازسرنونمازپڑھنااوراعادہ کرنااستخلاف سے افضل ہے ۔ استخلاف کے صحیح ہونے کے لیے جن شرائط کاپایاجاناضروری ہیں ان میں سے ایک شرط یہ ہے کہ حدث ایسانہ ہوجوکبھی کبھارواقع ہوتا ہو؛لہذاقہقہہ،بے ہوشی ، جنون ،احتلام اورسونے سے ٹوٹ جانے والی نمازپراستخلاف جائزنہیں ۔

                صورت مسئولہ میں امام کانمازکے دوران اچانک گرجانایہ ایساحدث ہے جونادرالوقوع ہے یعنی کبھی کبھارواقع ہوتاہے توایسی صورت میں مؤذن کاخلیفہ بن کرنمازکومکمل کرناصحیح نہیں ،چونکہ مؤذن کاخلیفہ بنناصحیح نہیں تونمازواجب الاعادہ ہے ۔