واضح رہے كہ  مذھب حنفی کے عام قول کے مطابق تعزیر بالمال ناجائز ہے،لیکن بعض مقامات ایسے ہوتے ہیں کہ وہاں پر تعزیر بالمال  کہ بغیر اس چیز کا تدارک اور انسداد نہیں ہوتا ،لہذا اگر خاص مقامات اور خاص ضروریات کے مطابق  اگر موجودہ دور میں مالی جرمانہ عائد کیاجائے تو  امید ہے کہ اس میں کوئی حرج نہیں ہوگا۔البتہ اس میں تین صورتیں ہیں 1)) کہ یہ جرمانہ ظالم سے لیا جائے نہ کہ مظلوم سے (2) کہ ظالم سے مال لے کر مظلوم کو دیاجائے اس کی حوصلہ افزائی کے لئے (3)اگر مظلوم کو مال دینے کی کوئی صورت نہ ہو تو مفاد عامہ میں خرچ کیا جائے۔

لہٰذا صورت مسئولہ میں جرگے کی جانب سے مالی جرمانہ عائد کرنے اورلوگوں کو کھانا کھلانے کی شرط عائد کرنے میں اگر چہ اس میں دلی رضامندی شامل نہ ہوگی،لیکن فتنے فساد کے خاتمے کے لئے ایسے شخص پر بطور جرگہ کھانا کھلاناگنجائش رکتا ہے،جیسے کسی کنجوس شخص کی دعوت میں شرکت کرنا کہ دعوت کرنے کے باوجود اس کی دلی رضامندی شامل حال نہیں  ہوتی ، لیکن شرکاء کے لئےکھانے کی اجازت ہوتی ہے۔