واضح رہے کہ سود سے متعلق فقہائے کرام نے احادیث مبارکہ سے یہ قاعدہ مستنبط کیا ہے کہ دوہم جنس چیزوں کا آ پس میں تبادلہ کرتے وقت اس میں تفاضل (کمی زیادتی ) حرام ہے ۔اور دونوں کا وزن برابر ہونا ضروری ہے، چاہے ان کے اوصاف میں فرق ہو۔
لہذا صورت مسئولہ ایک ہی جنس والے جانور کے ہڈی والے گوشت کو زیادہ مقدار میں لے کر بغیر ہڈی والے گوشت کے بدلے میں دینا شرعا جائز نہیں اور یہ ربا کےزمرے میں آتا ہے۔ کیونکہ ہڈی اور گوشت ایک ہی جنس ہے ،اس لیے اس میں کمی اور زیادتی سے تبادلہ کرنا جائز نہیں ۔
البتہ مختلف الجنس جانوروں ہڈی والے گوشت کو زیادہ مقدار میں لے کر بغیر ہڈی والے گوشت کے بدلے میں دینا شرعا جائز ہے ۔